IKASTURTE AMAIERAKO DUDAK; KEZKAK; KEXAK ETA BESTELAKOAK

 Oraingoan blogaren bidez saiatuko gara zuek galdetu eta adierazi beharrekoak bideratzen.
Zeuen esatekoen zain naukazue beraz.

IZENAK ERE UNIFORMEZ

Nortasuna da, ezer izatekotan, norberari dagokion osagarririk behinena, pribatuena. Pribatutasun horren etiketa da izena, gure nortasunaren aurpegi agerikoena. Gurasoek jartzen digute, gurasook jartzen ditugu izenak, izena hartu behar dutenek ez adinik ez adimenik ez baitute izendatze une horretan. Agintariek, guztiaren gainean agintzeko duten setari jarraiki, zenbait debeku jarri ohi dizkigute publikotik ezer ez duen zeregin honetan ere. Gurean, azken hamar urteotan, Hizkuntzaren Akademia suertatu da agintarien morroi leial aurreratua gure seme-alabei izena askatasunez jartzeko orduan. Horretarako askatasuna bahitu nahi digute, geure herriaren alde batean behintzat; hizkuntzaren batasunaren izeneko jokabide makurrean, paradoxikoki.

1.- IZEN ALA EZ IZEN. Txomin Artolaren kantu autobiografiko baten titulua dugu hauxe. Letra Joxerra Garzia kazetariak paratu zion. Kanta egin eta hiru bat urtera titulu bera jarri zion ume jaioberriei izenak askatasunez jartzeko debekuez irratiz botatako hausnarketa interesgarri bati. Gerora ere, goiburu hori erabili izan da deiturak euskal grafiaz idatzi daitezen bultzaturiko kanpaina batean, aipatu hausnarketak egiten zuen kritika sakona alde batera utzita. Audio horren gaineko hiru ariketa proposatzen dizkizugu.

Legez izan arren Dominic Domingo,

hori ni naizenik ez nuke jakingo,

Txomin esaten didate

A.- IZEN EDO EZ IZEN: HORTXE DAGO KOXKA
      HUTSUNEAK osatu entzundakoaren arabera.
      Aurten C1eko azterketarako proposatzen den ariketa berria.
      Audioa HEMEN, Ikasbil-en eskutik. Soluzioak HEMEN.


B.- GALDEREI ERANTZUN
      Testu beraren gaineko GALDE-ERANTZUNAK.


C.- ENTZUNDAKOAREN ESKEMA ATERA ETA TESTUA ZEURE KASA
       BERRIDATZI
      Txantiloia HEMEN.


D.- ERREGALUKO ARIKETA
       Txomin Artolaren kantaz ariketa bat baduzu HABEk prestauriko
       BARRENKALE materialetan,
       BOST-ON taldearen eskutik digitalizaturik HEMEN daukazuna.
       Ariketa egiteko HEMEN entzun dezakezu kanta.

LIBERTATEAZ MINTZO

1. Libertateaz GALDERA BATZUK luma eta mihingaina astintzeko.

2. Drogatzeko askatasunaz.
Ariketak HEMEN.
BIDEOA: 'Tabako-inspektoreek' tabernak, dendak eta ospitaleak zainduko dituzte".
AUDIOA: Tabakoaren legea betetzen ari da.

URTE BARRI ON IZAN DEZAZUELA ETA APROBETXA DITZAZUELA OPORRAK!!


DENA EZ DADILA BIZIOA IZAN, AIKOR POESIA ALETXO BAT:
E. GALIANOren bat.

ITZULI GARA!!

Hurrengo asteotan ZULOA blogetik arituko gara,
txanda Jon lankideari pasatuz.

Zubia [eta geldialdi teknikoa] aprobetxatuko dut zenbait material igo
eta bloga zertxobait txukuntzeko.

ZIKOINARRIAK EDO UMEAK NONDIK DATOZEN

Barkatuko nauzue aste honetan bloga ahaztu xamarturik edukitzeagatik. Alabaina, hitzaldi bat eman behar dut “zikoinarriei” buruz. Aitzakia bat baino ez antzinate berantiarrean (erromatarren eta arabiarren arteko denbora tartean) germaniarrek gure artean utzi zituzten aztarna mitologiko eta linguistikoei buruz hitz egiteko. Izan ere, historiagileek azken urteotan franko merovingioen ustekabeko arrasto ugari eta garrantzitsuak aurkitu dituzten bezala, filologoon ordua da oraingoa. Baten batek bere buruari galdetu badio zer ote diren zikoinarriak, erantzun labur bat aurreratuko diot. Zikoinarriak, hitzak dioen bezala, zikoinen harriak dira, elfoen etxea eta zikoinak umeak ateratzen dituzten (edo zituzten) harriak, besteak beste.

Hitzaldia, III Erromantze-Euskara Linguistika Jardunaldien barruan izango da, Diputazioak María Díaz de Haro kalean duen Hitzaldi Aretoan, ostegunean, hilak 25, arratsaldeko bost eta erdiak inguruan. Sarrera librea eta eskertua da; beraz, denok zaudete gonbidatuta.

BIZITZAREN ADINAK (VI)

ERRETRETA HARTZEKO ADINA
BURUTIK BEHERAKOAREKIN NABIL EGUNOTAN ETA EZ DIRA
OSO FIN EGON AZKEN ARIKETAK. HONEZKERO ZUZENDUTA DAUDE
ERRETIROA BEHAR DUT!!!!
Pozarren atzera kontatzen hasita geundela, hara non
jubilazio adina bi urtez atzeratu behar diguten.

1.-  JUBILAZIO ADINA ATZERATZEARI JARRIAK.
      Jexux Mari Irazu bertsolariaren bertso batzuk.
      Ea jubilatu orduko bertso bat ontzen dugun. ARIKETA.
      Hona hemen BERTSOAK OSORIK.

2.-  HIRUROGEI URTE.
      Arantza Urretabizkaiaren TESTU zahar baten
      gaineko HUTSUNE ARIKETA bat.

3.-  ERRETIROA.
      Juanjo Olasagarraren hausnarketa: Amesgaiztoko erretiroa.
      Irakurriaren ulermeneko ARIKETA.
      Jatorrizko testua HEMEN.

4.-  ERRETRETA ATZERATZEAREN KONTRA.
      4. protesta ekitaldia zutenekoa,
      gero alferriko beste batzuk etorriko ziren.
      Entzunaren ulermeneko ARIKETA.
      HEMEN daukazu audiorako esteka.

5.-  TRAPAGAKO GAZTETXETIK HAUSNARKETA.

      CLOZE-TESTA. Bisita ezazu Basetxea HEMEN.

6.-  DERRIGORREZKO ERRETIROA AUZITAN.

      Abisatuta geunden, politikoek teknikoen txostenak

      bidaltzen dituzte aurretik, aizkoradaka atzetik emateko.

      Idazmena zorrozteko ARIKETA bikoitza.

      Berriako TESTU zahar baten gainean.

7.-  ERREFORMA ONARTU DUTE AZKENIK FRANTZIAN

      Testuaren haria asmatzeko ARIKETATXOA.

      BERRIA egunkaria berri hau ere.

8.-  MATUSALENEN JUBILAZIOA

      Aritz Gurrutxagaren testu zahar baten gaineko BERRIDAZKETAK.

      DIARIO VASCO donostiarrean atera zen hau.

9.-  JUBILAZIOA HARTZEKO ORDUA

      Binakako ELKARRIZKETA egiteko ikasgelan.

10.-  IPARRALDEKO GREBA ZERTAN ZEN

      CGT sindikateko Jean Laztirirekin elkarrizketa telefonikoa.

      Iparraldeko eskuara entzuten ohitu gaitezen.

      ULERMEN ARIKETA. Audioa entzuteko esteka HEMEN.